Hlăm klei bi tuôm, Khua knŭk kna Phạm Minh Chính bi mni lač jăk kơ Đảng, Knŭk kna leh anăn Mnuih ƀuôn sang Lào ăt msĕ mơh Khua gĭt gai Đảng, Khua lăn čar Lào leh anăn mô̆ gơ̆ kơ klei khăp yuôm bhăn, jiă kma klei khăp ayŏng adei kơ Đảng, Knŭk kna leh anăn mnuih ƀuôn sang Việt Nam kơ klei Khua gĭt gai Đảng Nguyễn Phú Trọng djiê; boh nik Lao mkŏ mjing leh Knăm čang ênuh dua hruê čiăng bi hdơr kơ Khua gĭt gai Đảng Nguyễn Phú Trọng, mơ̆ng anăn bi êdah klei bi hgŭm yuôm bhăn, sĭt suôr êlam snăk plah wah dua ala čar.

Khua knŭk kna mñă klă, hlăk dôk hdĭp Khua gĭt gai Đảng Nguyễn Phú Trọng mđing nanao kơ bruă răng kriê, amâo mdei mđĭ leh anăn mđĭ kyar klei bi hgŭm mơ̆ng đưm Việt Nam – Lào; mni lač jăk kơ mô̆ Khua gĭt gai Đảng, Khua lăn čar Lao mâo leh hră mgei ai tiê snăk mơĭt kơ mô̆ Khua gĭt gai Đảng Nguyễn Phú Trọng.