Mơ̆ng akŏ thŭn truh kơ ară anei, kluôm čar Gia Lai mâo 9 klei djiê mngăt êa ngă 13 čô hđeh djiê, lu jing ti dŭm krĭng dleh dlan, krĭng mnuih djuê ƀiă. Bruă Đoàn čar Gia Lai brei thâo, grăp thŭn, Êpul êdam êra ăt mkŏ mjing adŭ hriăm luê amâo mâo mă prăk kơ phung hđeh.

Ti anăp klei phung hđeh hlăm krĭng dleh dlan mngăt hlăm êa đĭ lu, thŭn anei srăng pŏk ngă ti dŭm krĭng taih kbưi, dleh dlan čiăng kơ phung hđeh mâo klei găl dưi hriăm luê. Phạm Trần Anh, K’iăng khua Knơ̆ng bruă Mnuih ngă bruă, kahan êka êkeh lehanăn yang ƀuôn čar Gia Lai lač, čiăng gang mkhư̆ klei mngăt hlăm êa ti phung hđeh brei mâo klei hgŭm kngan mơ̆ng kluôm yang ƀuôn. Boh nik jing gŏ sang brei mđing hĭn kơ bruă răng mgang lehanăn dlăng kriê hđeg, boh nik hlăm wưng mdei prŏng anăp truh./.