VOV4.Êđê- Knhal jih tlam 17/1, Khua čih hră bruă kƀĭn ala Bùi Văn Cường gĭt gai klei bi kƀĭn phung čih klei mrâo hưn mdah 4 hdră mtrŭn mâo Bruă kƀĭn ala bi mklă hlăm klei bi kƀĭn mjêč tal sa, bruă kƀĭn ala gưl 15. Anăn jing Hdră mtrŭn mrô 43 kơ hdră êlan ngăn prăk đru kơ Hdră kơrŭ wĭt leh anăn mđĭ kyar ƀuôn prŏng ala ƀuôn ba mdah dŭm hdră êlan đru čiăng mđĭ klei dưi gang mkhư̆ klei ruă Covid-19, kơrŭ wĭt leh anăn mđĭ kyar bruă duh mkra - ala ƀuôn, Hdră mtrŭn mrô 44, kơ hdră duh bi liê Hdră mkŏ mjing êlan dơ̆ng êran pral Dưr - Dhŭng nah Ngŏ wưng thŭn 2021-2025; Hdră mtrŭn mrô 45 kơ klei lông ngă dŭm klei bhiăn, hdră êlan mdê hjăn mđĭ kyar ƀuôn prŏng Cần Thơ leh anăn Hdră mtrŭn mrô 46 kơ klei bi kƀĭn mjêč tal sa, bruă kƀĭn ala gưl 15 dưi mtrŭn mjêč, pral gĭt gai bi jăk bruă mkŏ mjing hluê ngă tŭ dưn Hdră gang mkhư̆ klei ruă Covid-19 (2022-2023).

 Pô mblang: H’Zawut Ƀuôn Yă