Daklak Innovation Hub jing anôk bruă mphŭn čô̆ kơ bruă tal êlâo ti Dak Lak, sa hdră bruă êpul êya, dưi mkŏ mjing hŏng hdră kñăm mđĭ hdră mphŭn čô̆ kơ bruă, đru kơ dŭm anôk bruă mlih mrâo mbruă leh anăn mđĭ kyar bruă duh mkra ti alŭ wăl, anôk bi tuôm mơ̆ng êpul êya mphŭn čô̆ kơ bruă leh anăn phung bi liê, phung thơ̆ng kơ bruă, dŭm êpul bruă mguôp hŏng mphŭn čô̆ kơ bruă. Anei ăt srăng jing anôk mkŏ klei mĭn mbruă êdah êdi hŏng klei găl klă sĭt čiăng đru kơ anôk bruă duh mkra mphŭn čô̆ kơ bruă hlue ngă gru hmô mnia blei.

Êngao anăn, anôk bruă lŏ jing anôk mkăp klei hâo hưn kơ alŭ wăl, jing anôk drông phung tue hiu čhưn, phung bi liê čiăng ksiêm dlăng kơ dhar kreh, amâodah hgŭm bi liê kơ dŭm hdră bruă ti Dak Lak. Nguyễn Tuấn Hà, K’iăng Khua Knơ̆ng bruă sang čư̆ êa čar Dak Lak brei thâo, hŏng klei pral mơ̆ng êpul êya duh mkra mphŭn čô̆ kơ bruă, klei anei lŏ dơ̆ng kruăk knăl klei đĭ kyar mrâo mơ̆ng hdră mphŭn čô̆ kơ bruă ti Dak Lak.