VOV4.Êđê- Tlam mbruê 12/9, Bruă Đảng čar Gia Lai mkŏ mjing klei kƀĭn trông hluê ngă hdră mtrŭn mơ̆ng Êpul khua bruă Đảng kơ bruă hưn mdah klei bi klă mơ̆ng Êpul khua bruă Đảng hlăm bruă tiŏ nao Trương Hải Long, khua hlăm êpul bruă Đảng, k’iăng khua kiă kriê bruă knuă êpul bruă Đảng, Êpul khua bruă Đảng čar Gia Lai păn ngă k’iăng khua bruă Đảng čar Gia Lai wưng thŭn 2021 – 2026. Hlăm klei kƀĭn, mâo klei dưi mơ̆ng Êpul khua bruă Đảng leh anăn Êpul mkŏ mjing gưl dlông, Hoàng Đăng Quang, Khua hlăm bruă Đảng fưl dlông, k’iăng khua êpul mkŏ mjing gưl dlông hưn mdah klei bi klă anei.

Trương Hải Long, k’kiêng hruê 18/4/1976, ƀuôn phŭn ti kdriêk Yên Phŏng, čar Bắc Ninh, mŭt Đảng thŭn 2004, hriăm sang hră gưl prŏng Khoa học Xã hội leh anăn Nhân văn, Sang hră gưl prŏng klei ala tač êngao (sang hdră gưl prŏng ala čar Hà Nội), mâo klei hriăm thạc sĩ klei bhiăn leh anăn klei hlăk mblang bruă kđĭ čar gưl dlông. Êlâo kơ tiŏ nao păn ngă k’iăng khua bruă Đảng čar Gia Lai, ñu tuôm păn ngă lu mta bruă msĕ si K’iăng khua kiă kriê anôk bruă mnuih mă bruă knŭk kna, phŭn bruă kiă kriê bruă knuă, Khua hlăm êpul bruă Đảng, k’iăng khua kiă kriê Phŭn bruă kiă kriê bruă knuă mơ̆ng mlan 6/2021 truh kơ ară anei, leh anăn mâo klei čuăn srăng ngă Khua phŭn bruă kiă kriê bruă knuă wưng thŭn 2021 -2026.

Pô mblang: Y-Khem Niê