Mbah hâo hưn mâo 7 kdrêč phŭn leh anăn 4 kdrêč mkăn, djŏ guôp hŏng kdrăp msĕ si măi tính, đĭng blŭ thâo mĭn. Mbah hâo hưn mkăp hră mơar gĭt gai bruă ngă mơ̆ng Anôk bruă gưl dlông truh kơ dŭm hră mơar gĭt gai bruă ngă mơ̆ng Anôk dlăng bruă êpul hgŭm gưl dlông truh hŏng dŭm êpul hgŭm čar, ƀuôn prŏng, phung hlăm êpul kahan hđăp.

Bi hgŭm hâo hưn mtô mblang boh tŭ, klei thâo ngă bruă bi lông ktưn khăp kơ ala čar mơ̆ng Êpul kahan hđăp Việt Nam, thâo ƀuh, bi mni, lar bra êlam klei bi hmô mnuih jăk, bruă jăk, dŭm gru hmô êdah êdi, mrâo hlăm Êpul kahan hđăp Việt Nam. Thượng tướng Bế Xuân Trường, Khua Êpul kahan hđăp Việt Nam mtă, Hră klei mrâo kahan hđăp Vịêt Nam brei hâo hưn kơ phung knuă druh hlăm êpul leh anăn mnuih ƀuôn sang kơ dŭm bruă mâo, hdră bi lông “kahan hđăp bi hmô”, đru msir klei bi hrŏ ư̆ êpa ƀun ƀin, hmai lač, kpă ênuah kơ klei čiăng, klei blŭ mguôp, ba klei hâo hưn kơ jih jang phung hlăm êpul hgŭm./.