Blŭ klah čŭn ti knăm anei, Nguyễn Trọng Nghĩa bi mni kơ Anôk kriê dlăng bruă Đảng čar mđing hluê ngă hdră kčah ksiêm dlăng; pral, đua klam, mprăp jăk mta phŭn mâo ksiêm dlăng, bi hgŭm tŭ dưn hŏng Êpul ksiêm dlăng mơ̆ng Anôk bruă răng mgang hdră kđi čar gưl dlông.

Khua Êpul ksiêm dlăng mtă kơ Anôk kriê dlăng bruă Đảng čar Dak Lak kiă kriê, gĭt gai brei mâo hdră msir mghaih dŭm klei dôk mâo, klei êdu kƀah čiăng hluê ngă tŭ dưn hdră răng mgang bruă kđi čar mguôp hŏng klei mâo mơ̆ng čar; lŏ dơ̆ng mtô mblang, ksiêk kjăp, pŏk ngă kjăp dŭm mta hră m’ar mơ̆ng Gưl dlông djŏ tuôm kơ bruă răng mgang klei êđăp ênang hdră bruă kđi čar./.