Hlăm jar gưl nao čhưn ti Cuba, Khua bruă kƀĭn ala Vương Đình Huệ mĭn tĭng srăng mâo klei blŭ hrăm ti Bruă kƀĭn ala Cuba hlăm hruê 19/4, hruê Mblah dưi Girón (19/4/1961-19/4/2023) leh anăn ăt jing hruê Bruă kƀĭn ala Cuba gưl X srăng mkŏ mjing klei bi kƀĭn tal êlâo leh klei ruah Khua mkŏ mjing hruê 26/3 mrâo êgao.

Anei jing sa klei hƀuê ênuk leh anăn yuôm bhăn snăk kyua klei anei knŏng dưi mâo kyua klei bi hgŭm Cuba-Việt Nam leh anăn kyua klei bi hgŭm yuôm bhăn snăk plah wah dua ala čar. Mĭn tĭng hlăm gưl nao čhưn Cuba, khua gĭt gai Bruă kƀĭn ala dua ala čar srăng bi siñê klei kuôl kă kơ bruă mkŏ mjing klei bhiăn bi hgŭm mlir bruă kƀĭn ala plah wah dua nah kñăm mđĭ klei bi trông klei thâo kơ bruă ngă ăt msĕ mơh bi đru hlăm dŭm klei bi kƀĭn mlir bruă kƀĭn ala krĭng wăl leh anăn lu ala čar; hrăm mbĭt bi hgŭm mđĭ ktuê dlăng klei kuôl kă bi hgŭm plah wah dua tĭng, mơ̆ng anăn ba klei bi hgŭm plah wah Việt Nam leh anăn Cuba ƀrư̆ hruê ƀrư̆ êlam leh anăn tŭ dưn./.