Dua čô khua phŭn bruă lĭng kahan bi myuôm hlăm wưng leh êgao, klei bi hgŭm bruă lĭng kahan dua ala čar mâo leh klei hlue ngă djŏ hŏng hdră êlan khua kiă kriê dua ala čar bi trông leh.

Dua nah ngă tŭ jing klei bhiăn bi mjĕ êrô, bi kčĕ đru bruă lĭng kahan gưl dlông, mâo klei bi hgŭm kiă kriê knông lăn, kiă kriê kahan êa, kahan ksiêm êa ksĭ, bi hgŭm hiu suang mbĭt bi kdơ̆ng hŏng phung čhĭ mnia soh hŏng klei bhiăn, klei čhĭ mnia mnơ̆ng mgưt Mâo leh lu bruă bi hgŭm msĕ si: Ngă klei mjĕ mjing kđông kahan răng mgang knông lăn, klei bi mguôp alŭ wăl mnuih ƀuôn sang hdĭp dua nah knông lăn. Dua čô khua phŭn bruă lŏ dơ̆ng ƀuăn rơ̆ng ngă bi leh jih bruă bi hgŭm, hyuă kjăp hĭn bruă leh dưi ngă, pŏk mlar klei bi tuôm phung khua kahan, bi đru mjuăt bi hriăm mnuih mă bruă, mkŏ mjing klei bi mjĕ êrô jăk. Dua nah bi tŭ ư klei bi hgŭm 3 tĭng Việt Nam – Lào – Campuchia, hlăm anăn mâo klei bi tuôm 3 čô khua phŭn bruă lĭng kahan, lehanăn klei hriăm bi blah mbĭt, msĕ si klei dŏng đru mnuih mâo klei truh, mdrơ̆ng hŏng klei yan adiê ngă, klei ruă tưp./.