Ti anôk drông, Khua lăn čar Võ Văn Thưởng lač, Việt Nam bi myuôm nanao klei hgŭm kluôm dhuôn hŏng Russia, jing bruă ngă tal êlâo.  Việt Nam čang hmăng mâo klei lŏ hyuă kjăp hĭn, mtrŭn agha êlam hĭn, lehanăn tŭ jing hĭn bi djŏ hŏng klei tŭ dưn kơ mnuih ƀuôn sang dua ala čar čang hmăng, kyua kơ klei êđăp ênang, hơĭt kjăp, lehanăn mđĭ kyar ti alŭ wăl lehanăn tar rŏng lăn.

Bi myuôm klei tŭ dưn bruă hgŭm dua nah khua lăn čar tŭ ư kơ bruă dua anôk bruă mâo nanao klei bi trông, bi đru hlăm hdră ngă bruă, lŏ bi đru hlăm djăp bruă hŏng klei klă mngač hĭn. Khua lăn čar čang hmăng hlăm wưng kơ anăp, sang phat kđi dua ala čar lŏ dơ̆ng hgŭm đru kơ klei mđĭ kyar mơ̆ng mdê bi lăn čar, lehanăn hyuă kjăp hĭn klei bi mguôp anei mâo leh mơ̆ng đưm./.