Jăk siam dhar kreh mnơ̆ng ƀơ̆ng huă dŭm djuê ana krĭng Lăn dap kngư
Thứ bảy, 00:00, 02/12/2023
VOV Tây Nguyên
VOV Tây Nguyên
VOV4.Êđê-Hlăm Hruê m’ak Dhar kreh, Mjuăt ktang asei mlei lehanăn Hiu čhưn ênguê dŭm djuê ana krĭng lăn dap kngư gưl 1 thŭn 2023, ti ƀuôn prŏng Kon Tum, čar Kon Tum mkŏ mjing lu hdră hưn mthâo kơ dhar kreh mnơ̆ng ƀơ̆ng huă dŭm djuê ana krĭng Lăn dap kngư.
Nao hlăm hdră anei mâo êpul phung mbruă mơ̆ng 4/5 čar, mâo: Kon Tum, Gia Lai, Dak Lak lehanăn Lâm Đồng.
Hŏng hdră čŏng mkra sahlao mnơ̆ng ƀơ̆ng huă djuê ana, phung mbruă mơ̆ng 4 êpul hưn mthâo leh dŭm mta mnơ̆ng ƀơ̆ng, êa mnăm mhao mơ̆ng djuê ana pô. Hŏng êbeh 10 mta mnơ̆ng ƀơ̆ng hlăm hlao, mnuih ƀuôn sang lehanăn tue hiu čhưn dưi ƀơ̆ng leh dŭm mta mnơ̆ng jăk êdi mơ̆ng mnuih K’ho ti Lâm Đồng, mnuih Jeh Triêng ti Kon Tum.
Klei jăk jing dŭm mta mnơ̆ng ƀơ̆ng mâo phung mbruă mkra jăk êdi, mâo hlăm dliê kmrơ̆ng. Mbĭt hŏng mnơ̆ng ƀơ̆ng djuê ana msĕ si điŏ brông, mnŭ ăm, kpiê čeh… phung mbruă lŏ hưn mthâo dŭm mta mnơ̆ng OCOP mâo mnuih ƀuôn sang ti dŭm boh ƀuôn pla mjing, mkra mjing./.
Viết bình luận