Êpul kahan prŏng mrô 3 mâo mkŏ mjing jing bruă bi klin jih jang êpul kahan ti lăn dap kngư, jing êpul kahan knhăk. Êpul kahan prŏng mrô 3 hŏng pô klam phŭn sua mă klei dưi êngiê ti lăn dap kngư, lehanăn truh kơ klei mâo mă klei dưi kluôm kwar dhŭng lehanăn bi hluh liê lăn čar hrue   30/4/1975.

Hlăm klei mkŏ mjing êpul kahan prŏng anei, êpul lĭng kahan jing siă suôr kjăp leh hŏng dŭm êpul bruă Đảng, hŏng bruă sang čư̆ êa lehanăn mnuih ƀuôn sang ti dŭm anôk lĭng kahan dôk, đru yuôm bhăn kơ klei mđĭ kyar bruă duh mkra ala ƀuôn, lehanăn răng mgang kjăp klei êđăp ênang lăn čar, êpul kahan prŏng mrô 3 myun mâo leh Đảng lehanăn knŭk kna mđup brei klei pah mni anăn knăl êpul lĭng kahan yang ƀuôn jhŏng ktang hlăm hrue  20/12/1979; 81 êpul êya, lehanăn 47 čô mnuih mâo leh Đảng, knŭk kna mđup brei anăn knăl lĭng kahan yang ƀuôn jhŏng ktang. Hlăm anăn mâo 9 êpul mâo mpŭ mni anăn knăl anei gưl tal dua; hlăm anăn mâo Lữ đoàn CB7 lehanăn Trung đoàn BB66 mâo mpŭ mni anăn knăl lĭng kahan yang ƀuôn jhŏng ktang tal 3 hlăm ênuk mlih mrâo./.