VOV4.Êđê - Hruê 10/5, ti kdriêk Kon Plŏng, čar Kon Tum, bruă Đảng knơ̆ng gĭt gai kahan krĭng 5 bi hgŭm hŏng Anôk bruă Đảng čar, anôk bruă sang čư̆ êa čar Kon Tum mkŏ mjing Klei bi kƀĭn mlir adŭ bruă Đảng čar lehanăn anôk bruă sang čư̆ êa 11 čar, ƀuôn prŏng kơ bruă lĭng kahan, răng mgang klei êđăp ênang, mâo: Kon Tum, Đà Nẵng, Quảng Nam, Quảng Ngãi, Bình Định, Phú Yên, Khánh Hòa, Ninh Thuận, Gia Lai, Dak Lak, Dak Nông. 

Hluê anăn, dŭm anôk bruă ksiêk kjăp, pŏk ngă tŭ dưn dŭm asăp mtrŭn, mta phŭn Hdră mtrŭn Klei bi kƀĭn bruă Đảng kluôm ala tal XIII, Hdră mtrŭn Klei bi kƀĭn bruă Đảng dŭm čar, ƀuôn prŏng lehanăn Klei bi kƀĭn bruă Đảng kahan krĭng 5. Lŏ dơ̆ng krơ̆ng kjăp klei bi mjĕ lehanăn pŏk ngă tŭ dưn Klei bhiăn hgŭm bruă plah wah dŭm anôk bruă mơ̆ng alŭ wăl lehanăn dŭm anôk bruă lĭng kahan, plah wah dŭm adŭ bruă hlăm alŭ wăl./.

H’ Nêč pô mblang