Mđing msir mghaih phung ngă soh hlăm klei tlĕ huăk, brei čan prăk hŏng ênoh prăk mnga ktrŏ, čhĭ mnơ̆ng mgưt, mnơ̆ng amâo tŭ dưn, phao mtuh, mtrŭt mđĭ hdră ksiêm dlăng rơ̆ng klei êđăp ênang êlan klông… Anei jing dŭm bruă klam phŭn mâo Anôk bruă kahan ksiêm čar Dak Lak pŏk ngă hlăm wưng trŭn kơ bruă ksiêm dlăng phung ngă soh, rơ̆ng klei êđăp ênang êlâo, hlăm lehanăn êdei kơ têt djuê ana Giáp thìn 2024”.

 Hluê anăn, gưl ksiêm dlăng phung ngă soh rơ̆ng klei êđăp ênamg anei mâo Anôk bruă kahan ksiêm čar Dak Lak pŏk ngă mơ̆ng hruê 15/12/2023 truh kơ jih hruê 29/02/2024. Kluôm êpul srăng mđĭ hdră hiu suang dlăng, pral hmao ƀuh, phat mkra phung ngă soh, amâo lui bluh mâo bruă ngă luič klei êđăp ênang ala ƀuôn, rơ̆ng klei êđăp ênang dŭm anôk kñăm phŭn. Mkŏ mjing hdră hiu ksiêm dlăng kluôm, boh nik hlăm alŭ wăl phŭn, iêu ba djăp ai dưi, klei mâo, dŭm hdră msir kñăm gang mkhư̆ phung ngă soh./.