Ƀri gưl bi hdơr 98 thŭn hruê Klei mrâo krŭ kdơ̆ng Việt Nam (21/6/1925 - 21/6/2023), aguah (20/6), kahan ksiêm čar Dak Lak mkŏ mjing klei bi tuôm hŏng dŭm anôk bruă klei mrâo ti čar. Tinei, khua gĭt gai kahan ksiêm čar Dak Lak brei thâo mă kơ̆ng leh 74 čô hlăm klei ksŭng ngă hlăm anôk bruă Knơ̆ng bruă sang čư̆ êa să ti kdriêk Čư̆ Kuiñ mrâo êgao.

Ti anôk bi tuôm, Thiếu tướng Lê Vinh Quy - Khua kahan ksiêm čar Dak Lak, hâo hưn, leh klei phung jhat ksŭng ngă ti anôk bruă sang čư̆ êa să Ea Tiêu leh anăn Ea Ktur, kdriêk Čư̆ Kuiñ mmăt 11/6, ngă kơ 2 čô knuă druh să, 4 čô kahan ksiêm să djiê leh anăn 2 čô kahan ksiêm êka, 3 čô mnuih ƀuôn sang djiê; truh kơ ară anei anôk bruă djŏ tuôm mă kơ̆ng leh 74 čô djŏ tuôm. Ară anei bruă ksiêm dlăng duah mă ăt dôk mkŏ mjing mjêč. Kahan ksiêm čar ăt dôk gĭr bi hgŭm hŏng êpul bruă djŏ tuôm rơ̆ng êđăp ênang kơ anôk bruă nah gŭ, mđĭ ktang klei hâo hưn kơ dŭm gưl mnuih ƀuôn sang hơĭt ai tiê klei mĭn, hơĭt bruă mkra mjing./.