Kahan ksiêm êa ksĭ Việt Nam – India hgŭm hriăm mdrơ̆ng hŏng klei amâo jăk truh hlăm êa ksĭ
Thứ bảy, 09:27, 06/04/2024
VOV Tây Nguyên
VOV Tây Nguyên
VOV4.Êđê- Tlam mbrue (5/4), hlăm wăl êa ksĭ čar Bà Rịa-Vũng Tàu, Knơ̆ng kiă kriê kahan ksiêm êa ksĭ mrô 3 hgŭm leh hŏng kahan răng mgang hang ksĭ India mkŏ mjing klei hriăm kơ bruă mdrơ̆ng hŏng klei êa pui hluh ƀrôč ling hlăm êa ksĭ, bi mdoh êa ksĭ, dŏng đru gang mkhư̆ klei pui ƀơ̆ng hlăm êa ksĭ.
Tui si Đại tá Nguyễn Minh Khánh, K’iăng khua kčĕ bruă kahan ksiêm êa ksĭ krĭng 3, anei jing bruă ngă hlăm klei thâo bi mguôp dua ala čar, mâo klei bi hriăm êmuh, mghaih msir ya mta klei amâo mâo jăk hlăm êa ksĭ, đru kơ phung lĭng kahan dua ala čar mâo klei thâo hĭn, lehanăn mjuăt bi hriăm djăp mta bruă truăn hŏng kahan ksiêm êa ksĭ.
Tui si khua kahan prŏng SUDHIR RAVINDRAN, khua êpul kahan răng mgang hang ksĭ India, anei jing mmông găl kơ dua nah bi hriăm êmuh, mđĭ klei thâo bi hgŭm, bi thâo săng hdơ̆ng găp plah wah êpul kahan êa ksĭ Việt Nam lehanăn kahan răng mgang hang ksĭ India hlăm wưng tinăp./.
Viết bình luận