VOV4.Êđê- Aguah mbruê 17/2, ti ƀuôn prŏng Gia Nghĩa, čar Dak Nông, knơ̆ng bruă Tân Cảng Sài Gon mkŏ mjing leh klei kƀĭn mklin bruă hâo hưn êa ksĭ, plao ksĭ. Nao hgŭm hlăm klei kƀĭn anei mâo pô bi ala bruă Đảng čar, êpul hâo hưn 6 čar jing: Dak Nông, Gia Lai, Kon Tum, Thanh Hóa, Bình Dương, Hậu Giang, pô bi ala anôk bruă kđi čar lĭng kahan êa, khua gĭt gai knơ̆ng bruă Tân Cảng Sài Gòn, anôk bruă kđi čar mơ̆ng knơ̆ng bruă êpul kahan êa mrô 128, êpul kahan êa 129. Thŭn 2021, êpul êya phung hưn mdah mơ̆ng knơ̆ng bruă Tân Cảng Sài Gòn čŏng pô nao truh hlăm dŭm anôk bruă, alŭ wăl mkŏ mjing 12 klei hâo hưn kơ êa ksĭ, plao ksĭ, iêo mthưr ai dưi kơ 3.200 čô knuă druh, đảng viên, mnuih ƀuôn sang, hđeh sang hră leh anăn phung trah mă kan. Bruă hâo hưn êa ksĭ, plao ksĭ mơ̆ng knơ̆ng bruă Tân Cảng hŏng 6 čar mâo leh lu klei mlih jăk, hmao hâo hưn dŭm klei mrâo đru mđĭ hĭn klei thâo săng leh anăn mkŏ mjing klei sa ai hlăm yang ƀuôn hŏng bruă klam rang mgang klei dưi kiă kriê plao ksĭ, êa ksĭ mơ̆ng ala čar.

Pô mblang: Y-Ƀel Êban