VOV4.Êđê- ti ƀuôn prŏng Ƀuôn Ama Thuôt, čar Dak Lak kčưm pŏk leh hdră mđĭ hnơ̆ng kjăp, hnơ̆ng boh mnga leh anăn bruă duh mkra hlăm bruă pla mjing leh anăn čuê ênoh mơ̆ng ana kphê leh anăn tiu ti alŭ wăl krĭng Lăn Dăp Kngư Việt Nam.

Hdră anei mơ̆ng anôk bruă ksiêm duah bruă lŏ hma tar rŏng lăn Australia hluê ngă truh kơ mlan 3/2024 ti 3 čar jing Gia Lai, Dak Lak, Dak Nông hŏng klei nao hgŭm mơ̆ng giăm 300 gŏ sang ƀĭng ngă lŏ hma pla mjing kphê leh anăn tiu, kluôm ênoh duh bi liê giăm 90 êklai prăk. Mta knăm mơ̆ng hdră anei jing bi hơĭt hdră duh ƀơ̆ng kơ gŏ sang ƀĭng ngă lŏ hma krĭng Lăn Dăp Kngư, boh nik jing êpul mnuih ƀuôn sang ênưih kpĕ êka, hlăm klei bi kjăp leh anăn mđĭ boh tŭ hlăm bruă pla mjing kphê leh anăn tiu.

Pô mblang: Y-Ƀel Êban