Aguah mbruê 20/4, ti Hà Nội, Phŭn bruă tuh tia mkŏ mjing knăm pŏk Hruê kăm anăn knăl ala čar leh anăn klei kƀĭn tar rŏng lăn Anăn knăl ala čar Việt Nam 2023 hŏng akŏ “Bi klă anăn knăl ala čar Việt Nam mtah”. Bruă anei dôk hlăm hdră Anăn knăl ala čar Việt Nam thŭn 2023, bi hdơr hruê anăn knăl Việt Nam 20/4, mđĭ klei thâo kral Anăn knăl ala čar Việt Nam.

Klei kƀĭn Anăn knăl ala čar Việt Nam hŏng akŏ “Bi klă anăn knăl ala čar Việt Nam mtah” Mâo Phŭn bruă tuh tia mkŏ mjing hlăm wưng Việt Nam dôk gĭt mtrŭt mđĭ dŭm mta bruă mkra mjing, mnia mblei, mđing truh krŭ wĭt bruă duh mkra leh anăn đĭ kyar leh wưng tŭ klei hmăi mơ̆ng klei ruă tưp Covid-19. Hluê si phung thơ̆ng kơ bruă, Anăn knăl mtah đru ba wĭt lu boh tŭ dưn klă klơ̆ng kơ bruă duh mkra wăt kơ boh tŭ amâo thâo ƀuh, đru kơ knơ̆ng bruă mđĭ ai dưi bi ktưn hlăm anôk mnia mblei, bih nik hlăm wưng Việt Nam nao hgŭm hlăm klei ñŭ kman hŏng tar rŏng lăn.