VOV4.Êđê - Hruê anei, ti sang bruă kƀĭn ala, pŏk kčưm leh klei kƀĭn tal 11 mơ̆ng Dhar bruă gĭt gai bruă kƀĭn ala. Hlăm klei kƀĭn, Dhar bruă gĭt gai bruă kƀĭn ala srăng brei boh blŭ kơ 11 mta phŭn. Klă klơ̆ng jing: hưn mdah bi mbŏ boh tŭ hluê ngă bruă klam đĭ kyar bruă duh mkra ala ƀuôn leh anăn ngăn prăk ala čar thŭn 2021, boh sĭt bruă hluê ngă bruă klam đĭ kyar bruă duh mkra ala ƀuôn leh anăn ngăn prăk ala čar dŭm mlan akŏ thŭn anei, hưn mdah boh tŭ ksiêm dlăng bruă msir mgaih, wĭt lač dŭm klei êmuh mơ̆ng phung bi ala mơĭt kơ klei kƀĭn tal 2, bruă kƀĭn ala gưl 15, ksiêm dlăng klei hưn mdah bruă čung ba mnuih ƀuôn sang mơ̆ng bruă kƀĭng ala mlan 4 thŭn anei. Mbĭt anăn, lŏ brei boh blŭ kơ hdră mkăp bi mklin boh blŭ, klei hưn mdah mơ̆ng phung bi ala leh anăn mnuih ƀuôn sang hlăm klei kƀĭn tal 3, bruă kƀĭn ala gưl 15. Brei boh blŭ hdră mkăp kơ hdră mtrŭn ba mdah hdră bhiăn klei kƀĭn bruă kƀĭn ala (mkra mlil), brei boh blŭ mprăp kơ klei kƀĭn tal 3 mơ̆ng bruă kƀĭn ala leh anăn lu mta phŭn yuôm bhăn mkăn.

Y-Ƀel pô mblang