Hlăm klei kƀĭn trông, Khua bruă Đảng ƀuôn prŏng Đinh Tiến Dũng mñă klă bruă mkra mlih hdră čuăl mkă mbĭt mkŏ mjing ƀuôn prŏng tal anei mâo boh tŭ dưn yuôm bhăn hlăm bruă mkŏ mjing leh ană mđĭ kyar ƀuôn prŏng phŭn ti anăp leh anăn wưng sui hluê si hdră tă mơ̆ng Phŭn bruă kđi čar hlăm hdră mtrŭn mrô 15.

Bi trông kơ dŭm mta phŭn kơ bruă čuăl mkă ƀuôn prŏng Hà Nội, hdră tă truh ti thŭn 2050, dŭm klei blŭ lač klă dŭm klei kpăk hlăm bruă mđĭ kyar bruă duh mkra ala ƀuôn ti ƀuôn prŏng phŭn, boh sĭt klei mđĭ kyar bruă duh mkra ala ƀuôn, boh sĭt krĭng ƀuôn prŏng leh anăn krĭng ƀuôn sang dôk mâo lu klei dleh kpăk leh anăn tui duah phŭn agha, hdră êlan ruh mgaih hlăm bruă čuăl mkă tal anei. Mbĭt anăn, hlăk mblang kơ dŭm klei găl đĭ kyar phŭn mơ̆ng ƀuôn prŏng Hà Nội, hlăm anăn mñă kơ dŭm klei găl, ai ktang hĭn jing bi lar mta văn hiến, dhar kreh jing ai dưi mrâo mtrŭt mđĭ klei đĭ kyar ƀuôn prŏng phŭn hlăm wưng kơ anăp.