9 mlan hlăm thŭn 2025, hnơ̆ng klei đĭ kyar kluôm čar Khánh Hòa đĭ 7%, dăp tal 26/34 boh čar, ƀuôn prŏng hlăm kluôm ala, lehanăn dôk tal 4/6 hlăm krĭng ktue hang ksĭ kwar krah lehanăn lăn dap kngư; ênoh jih jang mâo ba wĭt kơ knŭk kna êbeh  28.800 êklai prăk, kdlưn hĭn 3% ênoh mơ̆ng gưl dlông jao, đĭ giăm 50% mkă hŏng wưng anei thŭn dih. Bruă hiu čhưn ênguê, lehanăn bruă duh mkra mnia mblei ăt jing klei mngač, drông leh êbeh 14,1 êklăk gưl čô tue, hlăm anăn mâo 4,3 čô tue mơ̆ng ala tač êngao, mâo ba wĭt êbeh 56.500 êklai prăk, đĭ giăm  20% mkă hŏng wưng anei thŭn 2024.

Ti anôk bi kƀĭn, Khua bruă Đảng čar Khánh Hòa Nghiêm Xuân Thành mñă: Khánh Hòa bi ktuh êyuh jih ai dưingă jih jang bruă bi djăp ênoh čuăn mđĭ kyar truh êbeh 8%, ruh mgaih truh 246 mta bruă adôk dleh kpăk, lehanăn lŏ bi ênŭm eneoh prăk adôk êmưt kơ bruă knuă. Nghiêm Xuân Thành ăt mñă kơ bruă čuăl mkă hlăm čar Khánh Hòa mrâo brei ngă bi jăk hĭn, mjing atur kjăp kơ bruă mđĭ kyar./.