Êbeh  3.400 boh hô̆ mran trah mă kan mâo iêo wĭt leh êđăp ênang hlăm 7 alŭ wăl anôk dôk kdê ti hang, êpul bruă djŏ tuôm bi ksiêm dlăng, lehanăn mtă kơ jih jang mnuih trah mă kan đĭ kơ hang êlâo kơ 6h tlam hrue 28/11; lehanăn ksiêm dlăng hlăm giăm 180 anôk klưh hroh, êngăp êa êlam, čiăng rơ̆ng mâo klei êđăp ênang kơ mnuih ƀuôn sang.

Tui si asăp kăm kbiă hiu hlăm êa ksĭ mơ̆ng knơ̆ng bruă sang čư̆ êa čar  Khánh Hoà, mơ̆ng 7 h hrue 28/11, jih jang kŭmpăn hiu čhưn ênguê, kŭm păn dŭ mdiăng, hŏ mran trah mă kan wĭt bi ênŭm kơ hang, êdei kơ 6 h tlam hrue 28/11 jih jang hô̆ mran kdê ti hang sơăi, mnuih rông kan hdang hlăm war rông kăn dưi dôk hlăm anôk rông rei. čar Khánh Hòa rơ̆ng ngă jăk bruă kăp bi hưn si êlan angĭn êbŭ hriê, lehanăn mâo hdră êlan ñĕ đuĕ. Ksiêm kjăp dŭm anôk hô̆ mran kdê kđap, Trần Phong, Khua knơ̆ng bruă sang čư̆ êa čar   Khánh Hòa mtă kơ alŭ wăl, lehanăn dŭm êpul bruă djŏ tuôm bi ktrâo atăt mnuih ƀuôn sang, mgô mbĕ mđuĕ mnuih ƀuôn sang mơ̆ng anôk huĭ hyưt./.