Nao hlăm klei kƀĭn mâo êbeh 50 čô kreh knhâo, êbeh 30 čô hlăk mblang mơ̆ng Mi, Dhŭng Korea, Italia, Malaysia, Singapore. Phung thơ̆ng kơ bruă lč, čiăng bi lar klei găl mâo, Khánh Hòa čiăng kơ sa anôk bruă ksiêm duah kơ êa ksĭ kyua kdrăp mrâo mrang, mâo bruă klam tur knơ̆ng hŏng klei mbruă, mkŏ knŭk kna, knơ̆ng bruă, phung ksiêm hriăm leh anăn êpul êya.

Khua bruă sang čư̆ êa čar Khánh Hoà mñă klă klei kƀĭn jing mmông găl kơ dŭm alŭ wăl mbĭt hŏng phung kreh knhâo, knơ̆ng bruă leh anăn êpul êya mkŏ mjing hdră êlan, bi klă klei bi mguôp kjăp plah wah knŭk kna leh anăn phung ksiêm hriăm hlăm bruă hluê ngă dŭm hdră êlan mđĭ kyar bruă duh mkra êa ksĭ. Dŭm klei hlăk mblang, klei blŭ mguôp srăng đru mkŏ mjing tur knơ̆ng mrâo, đru kơ Khánh Hoà jing alŭ wăl đĭ kyar hơĭt kjăp, bi kna pla wah klei hdĭp krĭng ksĭ leh anăn kdrăp mrâo mrang.