Hdră mâo ênhă 290ha, phŭn ngă bruă mơ̆ng krah mlan 8, truh kơ ară anei ruh mgaih leh êbeh 116ha anôk ala. Pô duh bi liê dưi mkăp brei klei dưi yua lăn êbeh 66ha, djăp klei găl ngă bruă wưng tal 1. Ƀiădah, klei tla hnô ăt tuôm hŏng klei dleh dlan, ka djăp hră mơar, leh anăn klei mnuih ƀuôn sang čŏng rŭ mdơ̆ng čiăng guôn klei čiu tla.

Viglacera ƀuăn bi hrŏ wưng bi leh sa thŭn, mphŭn ngă bruă hrăm mbĭt mơ̆ng mlan 11, truh kơ wưng tlâo mlan tal 1 thŭn kơ anăp bi leh 50ha bruă mkŏ mkra čiăng jao kơ phung duh bi liê gưl êdei. Leh hdră anei, anôk bruă tuh tia srăng jing phŭn  mđĭ kyar bruă tuh tia kdrăp mrâo mrang, , logistics leh anăn wăl krah krĭng Vân Phong, mkŏ mjing bruă mă, iêo jak ênoh duh bi liê hlăm leh anăn êngao lăn čar, đru ba bruă tuh tia lŏ jing kmeh gơ̆ng mơ̆ng čar.