Khua Anôk bruă bi ala Mi bi trông kơ hdră bi hgŭm hŏng Dak Lak
Thứ tư, 10:54, 06/12/2023
VOV Tây Nguyên
VOV Tây Nguyên
VOV4.Êđê - Aguah mbruê (5/12), Êpul ngă bruă mơ̆ng Anôk bi ala Mi ti ƀuôn prŏng Hồ Chí Minh mă leh bruă hŏng phung khua Anôk bruă sang čư̆ êa čar Dak Lak čiăng tui ksiêm kơ dŭm bruă 2 tĭng mâo klei găl bi hgŭm hlăm wưng ti anăp.
Ti knăm anei, phung khua čar Dak Lak lehanăn Khua bi ala Mi ti ƀuôn prŏng Hồ Chí Minh bi êdah klei m’ak kơ dŭm knhuang đĭ kyar jăk siam hlăm klei bi mjĕ dua nah plah wah Việt Nam lehanăn Mi leh 28 thŭn mkŏ mjing klei bi mjĕ, boh nik dua ala čar mkra mđĭ jing Klei bi mjĕ ƀĭng hgŭm phŭn kluôm dhuôm kyua klei Êđăp ênang, Hgŭm bruă lehanăn đĭ kyar h’ĭt kjăp.
Čar čang hmăng mâo klei mđing dlăng, đru mơ̆ng Anôk bruă bi ala Mi ti ƀuôn prŏng Hồ Chí Minh hlăm bruă hưn mthâo dŭm anôk bruă duh mkra hriê tui ksiêm klei găl hgŭm bruă mđĭ kyar hdră duh mkra ti čar Dak Lak./.
Viết bình luận