VOV4.Êđê- Aguah 11/7, ti ƀuôn prŏng Đà Nẵng, Adŭ bruă Đảng gưl dlông mkŏ mjing Knăm tŭ mă anăn knăl Pô jhŏng ktang lĭng kahan yang ƀuôn Anôk duh kơ bruă krŭ kdơ̆ng kahan alŭ wăl 5. Hlăm klei bi tuôm, Khua Anôk dlăng bruă Đảng Võ Văn Thưởng bi ala kơ khua gĭt gai Đảng, Knŭk kna mđup brei Hdră mtrŭn mơ̆ng Khua lăn čar mđup brei anăn knăl Pô jhŏng ktang lĭng kahan yang ƀuôn Anôk duh kơ bruă krŭ kdơ̆ng kahan alŭ wăl 5 mâo klei tŭ êdah kdlưn hlăm klei bi blah hŏng Mi mtlaih ala čar.

Blŭ hrăm hlăm klei bi kƀĭn, Khua dlăng bruă Đảng Võ Văn Thưởng bi mklă, Krĭng 5 jing alŭ wăl yuôm bhăn hlăm hdră bi blah hŏng Mi mtlaih ala čar. Knuă druh, mnuih mă bruă hlăm Anôk duh kơ bruă krŭ kdơ̆ng kahan alŭ wăl 5 jhŏng ktang, jhŏng hgao klei dleh dlan, săn asei, rơ̆ng bruă dôk nah tluôn đru kơ klei bi blah hŏng Mi mtlaih ala čar hlăm krĭng 5, đru kơ hdră bi blah Hồ Chí Minh mtlaih êngiê kwar Dhŭng./.

                                               Pô mblang: H’Zawut Ƀuôn Yă