Ti knăm anei, êpul mđup brei leh 250 hnư mnơ̆ng, mâo ênoh 1 êklăk 300 êbâo prăk/sa hnư kơ đoàn viên, mnuih mă bruă mâo klei hdĭp dleh dlan hlăm čar. Blŭ ti knăm anei, Bùi Thị Minh Hoài, Khua anôk bruă đru čung ba gưl dlông mñă, Dak Lak jing wăl krah phŭn krĭng Lăn dap kngư, dŭm anôk bruă duh mkra ti alŭ wăl lu jing ngă bruă hnơ̆ng điêt lehanăn man dưn, kyua anăn bruă kriê dlăng kơ mnuih mă bruă jing bruă klam yuôm bhăn mơ̆ng dŭm gưl.

Hlăm wưng ti anăp, dŭm gưl bruă mơ̆ng Dak Lak brei mâo hdră klă klơ̆ng, tŭ dưn čiăng mđing kriê dlăng klei hdĭp mnuih mă bruă, rơ̆ng klei êđăp ênang ala ƀuôn, bi hrŏ ƀun h’ĭt kjăp./.