VOV4.Êđê - Hruê 20/1, Êpul mă bruă mơ̆ng gưl dlông mâo Bùi Thị Minh Hoài, Khua hlăm Anôk bruă Đảng gưl dlông, Khua anôk bruă đru čung ba mnuih ƀuôn sang gưl dlông djă akŏ nao čhưn, mđup brei leh mnơ̆ng Têt, hnư mnơ̆ng kơ gŏ sang knŭk kna dlăng ba, mnuih ƀun, mnuih mă bruă dleh dlan ƀri wưng Têt Djuê ana Nhâm Dần 2022 ti alŭ wăl čar Dak Nông.

Êpul mđup brei leh 350 hnư mnơ̆ng mâo Dhar bruă mặt trận Việt Nam mđup brei kơ gŏ sang knŭk kna dlăng ba, gŏ sang ƀun, dleh dlan; 200 hnư mnơ̆ng mơ̆ng Êpul hgŭm mnuih mă bruă Việt Nam mđup brei kơ 200 čô mă bruă dleh dlan hmăi mơ̆ng klei ruă Covid 19.

Ăt hlăm gưl nao čhưn anei, Y Thanh Hà Niê Kdăm, Khua Êpul hgŭm Djuê ana mơ̆ng anôk bruă kƀĭn ala ăt mđup brei 150 hnư mnơ̆ng kơ gŏ êsei ƀun, gŏ sang knŭk kna dlăng ba, mnuih mâo k’hưm hlăm krĭng mnuih ƀuôn sang djuê ƀiă, gŏ êsei ƀun, gŏ êsei dleh dlan lehanăn 500 êklăk prăk đru mơ̆ng Knơ̆ng bruă Duh bi liê lehanăn mđĭ kyar Việt Nam kơ dŭm gŏ sang knŭk kna dlăng ba, mnuih ƀun, mnuih mă bruă dleh dlan mơ̆ng čar./.

H’Nêč pô mblang