VOV4.Êđê- Ƀri bi hdơr hruê phung mniê tar rŏng lăn, hruê 8/3 lehanăn kkuh m’ak Klei bi kƀĭn phung mniê kluôm ala tal XIII, wưng thŭn 2022 - 2027, aguah 8/3, ti Sang bruă kƀĭn ala, Khua anôk bruă kƀĭn ala Vương Đình Huệ bi tuôm leh hŏng Êpul čưng boh mniê Việt Nam – Pô kahan jhŏng ktang mtŭ kñĭ” jing phung “Mniê mah” mơ̆ng Êpul čưng boh Việt Nam.

Blŭ ti knăm anei, Khua bruă kƀĭn ala Vương Đình Huệ mñă, brei mâo klei thâo hlăm bruă mjuăt ktang asei mlei bi knar hŏng dŭm klei thâo mkăn msĕ si hlăm klei ksiêm tĭng, kdŏ mmuñ, dhar kreh, klei blŭ... čiăng hnưm hmao ƀuh klei thâo, mâo hdră mjuăt bi hriăm djŏ guôp. Čiăng dưi hluê ngă dŭm mta kñăm mâo anôk bruă mjuăt ktang asei mlei kčah mtrŭn lehanăn mđing truh, hlăm anăn mâo čưng boh mniê, Khua bruă kƀĭn ala Vương Đình Huệ mtă, brei thâo săng klă klei mĭn mơ̆ng Đảng, Knŭk kna kơ bruă mđĭ lar klei đua klam mơ̆ng phung mniê hlăm hdră mkŏ mkra, răng mgang lăn čar, kơ hdră mđĭ kyar bruă mjuăt asei mlei lehanăn mđĭ kyar êpul čưng boh mniê./.

Pô mblang: H’Nêč Êñuôl