Blŭ hrăm ti anôk mă bruă, Khua anôk bruă kƀĭn ala brei thâo, gưl ksiêm dlăng tal anei kñăm tĭng dlăng kluôm hdră kiă kriê mŏng Anôk dlăng bruă Đảng dŭm êpul bruă Đảng gưl dlông hlăm klei pŏk ngă Hdră mtrŭn Klei bi kƀĭn XIV mŏng Đảng – hră mơar mâo boh tŭ yuôm, tă hdră êlan mđĭ kyar ala čar hlăm wưng mrâo.

Mta phŭn ksiêm dlăng mđing kơ bruă mkŏ mjing hdră tui ksiêm, hyuă kjăp lehanăn mtô mblang kơ Hdră mtrŭn; bruă čih mkra, pŏk ngă hdră ngă bruă, mbĭt ânn bi mklă boh tŭ dưi mâo ăt msĕ mơh dŭm klei êdu kƀah, dleh dlan hlăm klei hluê ngă. Mbĭt ânn, êpul ăt ksiêm dlăng hdră kiă kriê, pŏk ngă Hdră mtrŭn mrô 46 mŏng Phŭn bruă kđi čar kơ klei kriê dlăng hdră ruah khua bi ala bruă kƀĭn ala gưl XVI lehanăn Êpul gŏng bruă ƀuôn sang dŭm gưl wưng thŭn 2026–2031.