Khua anôk bruă kƀĭn ala Vương Đình Huệ mbĭt hŏng êpul nao čuh leh brui mngưi bi hdơr, lač jăk kơ klei đru mguôp prŏng prĭn mơ̆ng Ayang Khua anôk bruă kƀĭn ala hđăp Nguyễn Hữu Thọ hŏng hdră bruă cách mạng mơ̆ng Đảng, ala čar lehanăn Anôk bruă kƀĭn ala.

Blŭ hrăm hŏng Nguyễn Hữu Châu, anak khua Ayang Khua anôk bruă kƀĭn ala hđăp Nguyễn Hữu Thọ, Khua anôk bruă kƀĭn ala Vương Đình Huệ bi hdơr leh gru kruăk yuôm bhăn hlăm klei hdĭp lehanăn hdră mă bruă mơ̆ng Ayang Khua anôk bruă kƀĭn ala hđăp Nguyễn Hữu Thọ. Khua anôk bruă kƀĭn ala Vương Đình Huệ h’êč hmưi thŭn mrâo jăk siam truh kơ gŏ sang Ayang Khua anôk bruă kƀĭn ala hđăp Nguyễn Hữu Thọ; čang hmăng gŏ sang lŏ mđĭ lar knhuah gru, đru mguôp kơ hdră mkŏ mkra lehanăn răng mgang ala čar, mđing, nao hgŭm đru mguôp klei blŭ hlăm hdră mă bruă mơ̆ng Anôk bruă kƀĭn ala./.