Tlam mmăt 25/8, ti Sang bruă kƀĭn ala, Khua Anôk bruă kƀĭn ala Trần Thanh Mẫn gĭt gai leh knăm drông. Leh knăm anei, dua tĭng hluê ngă hdră bi trông. Dua tĭng tŭ ư pŏk ngă tŭ dưn Hdră êlan bi hgŭm bruă duh mkra Việt Na, - Australia, mđing truh kơ mta kñăm ba ênoh prăk bi mnia mblei dua ala čar truh 20 êklai USD lehanăn đĭ 2 blư̆ hdră duh bi liê mnia mblei mơ̆ng dua ala čar hlăm wưng ti anăp; mtrŭt mđĭ hdră mnia mblei plah wah anôk bruă duh mkra hŏng ala tač êngao mơ̆ng dua ala čar.

Hlăm wưng ti anăp, Khua anôk bruă kƀĭn ala Trần Thanh Mẫn mtă kơ dua tĭng, mđĭ hĭn klei bi tuôm gưl dlông lehanăn Dhar bruă mơ̆ng Anôk bruă kƀĭn ala, plah wah phung khua dua ala čar kñăm bi trông klei hâo hưn, kah mbha klei thâo hlăm hdră ngă bruă, boh nik hlăm bruă čih mkra klei bhiăn, bi leh klei bhiăn lehanăn ksiêm dlăng bruă hluê ngă hdră bhiăn./.