Khua anôk bruă kƀĭn ala Trần Thanh Mẫn đăo knang gưl hiu čhưn jing gru kruăk yuôm bhăn, pŏk sa wưng mrâo kơ klei bi mjĕ Việt Nam - Thái Lan.

Khua anôk bruă kƀĭn ala mtă kơ dua tĭng dưi ba yua jih klei găl hlăm bruă duh mkra mrô, bruă pui kmlă doh, mkăp kơ krĭng wăl lehanăn bruă lŏ hma yua kdrăp mrâo, ba yua tŭ dưn klei kuôl kă mnia mblei êngiê msĕ si Klei kuôl kă bi hgŭm bruă duh mkra kluôm dhuôm krĭng wăl (RCEP) čiăng dưi mâo mta kñăm bi mnia mblei dua nah truh 25 êklai USD hlăm thŭn 2030. Khua knŭk kna Thái Lan Paetongtarn Shinawatra brei thâo mta kñăm gưl hiu čhưn ti Việt Nam tal anei kñăm bi trông hŏng phung khua Việt Nam kơ hdră mđĭ hĭn klei bi hgŭm plah wah dua ala čar wưng kơ anăp, boh nik hlăm hdră duh mkra, duh bi liê, mnia mblei kñăm ba klei bi mjĕ dua ala čar truh ti hnơ̆ng mrâo./.