Leh giăm sa mlan ba yua gru hmô bruă knŭk kna mrâo, să Êa Bung bi leh hdrămkŏ dăp anôk bruă, mnuih mă bruă hluê djŏ klei kčah mtrŭn. HDră kriê dlăng, msir mghaih klei ngă hră mơar dưi ngă bruă kjăp. Khua knơ̆ng bruă sang čư̆ êa čar Dak Lak mtă kơ alŭ wăl mđĭ lar klei găl hlăm hdră lŏ hma, rông mnơ̆ng, dliê kmrơ̆ng lehanăn hdră duh mkra krĭng knông lăn čiăng mđĭ hnư hrui wĭt, đru msir klei ư̆ êpa, bi hrŏ klei ƀun knap hơĭt kjăp.

Mbĭt anăn, brei bi hgŭm kjăp hŏng êpul kahan răng mgang knông lăn rơ̆ng kjăp klei êđăp ênang ala ƀuôn, klei êđăp ênang krĭng knông lăn ala čar. Ƀri gưl anei, êpul mă bruă nao čuă êmuh, mđup brei mnơ̆ng kơ phung knŭk kna dlăng ba, knuă druh, lĭng kahan Kđông kahan răng mgang ƀăng jang knông lăn Đăk Ruê./.