Ti anôk bi tuôm, Kơiăng khua knŭk kna Đức Phớc wĭt lač leh lu klei êmuh mơ̆ng mnuih ƀuôn sang, hưn mthâo lu mta klei djŏ tuôm kơ hdră duh bi liê guê gang êa ksĭ ti ƀuôn hgŭm Quy Nhơn, kriê dlăng hdruôm hră, gang mkhư̆ mklei čhĭ mnơ̆ng mgưt, ngă mdêč mdar hlăm bruă mnia mblei lehanăn mplư êlan mạng.

Kơ hdră mkŏ dăp anôk bruă, Kơiăng khua knŭk kna lač, bruă bi khuăt anôk bruă đru kơ hdră ngă bruă tŭ dưn hĭn, giăm mnuih ƀuôn sang hĭn. Kơiăng khua knŭk kna mñă mta kñăm mđĭ kyar dua ênoh mrô čiăng ba lăn čar drei mŭt hlăm wưng đĭ kyar mrâo. Čiăng dưi mâo mta kñăm anăn, brei mtrŭt mđĭ gru hmô mđĭ kyar mrâo, mđĭ hdră bi mlih mrô, bi mlih mtah, mĭn mrâo, mkra mlih klei ngă hră mơar lehanăn hdră mtrŭn kơ jia./.