Hlăm klei blŭ hrăm, Khua mil čhil Êjip Abdel Fattah Al Sisi mñă kkă gưl nao čuă mơ̆ng Khua lăn čar Lương Cường leh anăn êpul bi ala gưl dlông Việt Nam jing sa tur knơ̆ng yuôm bhăn, pŏk sa wưng bi mguôp mrâo kơ klei mjĕ giăm dua tĭng leh 60 thŭn mkŏ mjing klei mjĕ giăm leh anăn mđĭ hnơ̆ng klei bi mguôp hdră êlan kluôm dhuôm.

Dua čô khua gĭt gai bi trông kơ boh sĭt mđĭ kyar bruă duh mkra ala ƀuôn grăp lăn čar, bi mni kơ dŭm klei đĭ kyar jăk kơ klei bi mguôp hlăm djăp mta bruă. Bi trông kơ dŭm boh klei hlăm alŭ wăl leh anăn tar rŏng lăn dôk bi mđing, Khua lăn čar Lương Cường bi myuôm bruă klam jing pô dôk krah wah, bi mgrăng mơ̆ng Êjip hlăm bruă tui duah dŭm hdră êlan kơ dŭm klei bi blah ti alŭ wăl.