Khua  gĭt gai Đảng Tô Lâm bi mni kơ klei gĭr mơ̆ng bruă Đảng knŭk kna, Bruă Đảng Phŭn bruă čih mkra hdră Bhiăn, bruă Đảng Phŭn bruă ngăn prăk, bruă Đảng Phŭn bruă kreh knhâo leh anăn kdrăp mmrâo leh anăn Bruă Đảng dŭm phŭn, dhar bruă hlăm wưng bhiâo bi leh lu bruă yuôm bhăn, dleh dlan leh anăn kčĕ hdră msir dŭm hdră ruh mgaih klei dleh dlan, gun kpăk kyua hdră bhiăn.

Tal êlâo, dŭm anôk kpăk ƀuh leh dưi msir mgaih mtam, amâo brei lŏ dơ̆ng ngă gun kpăk klei đĭ kyar leh anăn ƀa yua klei găl. Hlăm wưng kơ anăp, mtă Bruă Đảng bruă kƀĭn ala, Bruă Đảng bruă Knŭk kna gĭt gai mbŏ thiăm dŭm hră čih Hdră bhiăn čiăng êdi hlăm Hdră čih mkra hdră bhiăn thŭn 2025 mơ̆ng bruă kƀĭn ala, bi mklă hlăm Klei bi kƀĭn tal 10 bruă kƀĭn ala gưl XV čiăng msir mtam klei gun kpăk djŏ tuôm kơ Hdră bhiăn, Bruă Đảng Knŭk kna gĭt gai lŏ dơ̆ng bi leh boh tŭ ksiêm dlăng, rơ̆ng bi mklă djŏ hdră msir klei dleh dlan, gun kpăk hmư̆ leh hlăm wng êgao.