Hruê 5/8, bruă sang čư̆ êa čar Gia Lai mâo leh hră hưn mdah mơĭt kơ Êpul khua gĭt gai dŭm hdră ala čar kñăm mơ̆ng čar, hưn kơ boh sĭt mprăp ngă hdră êlan duh bi liê rŭ mjing êlan dơ̆ng pral Quy Nhơn - Pleiku. Hluê si klei hưn anei, čar Gia Lai mprăp srăng ngă hdră hlăm mlan 10 thŭn anei.

Hŏng êlan dơ̆ng pral Quy Nhơn – Pleiku, čar gĭt gai dŭm anôk bruă djŏ tuôm ksiêm dlăng kơ anôk ala, lăn ala, ngă klei bi hmô tĭng mkă mkra mjing, hưn mdah mkra mlih êlan găn kčŭn čư An Khê čiăng bi hrŏ klei kngư, bi hrŏ mmông ngă bruă leh anăn mkiêt mkriêm prăk kăk. Êlan dơ̆ng pral Quy Nhơn – Pleiku mâo boh taih hlăm brô 125km, găn čar Gia Lai, mâo 4 grông êlan êdeh, đĭ pral 100km/h, mâo dŭm ƀăng mur, kban, êlan klah, bruă êlan klông mrâo mrang leh anăn anôk jưh mdei. Ênoh duh bi liê kơ hdră hlăm brô 43.734 êklai prăk, hlăm anăn čar Gia Lai ƀuăn mkăp 1.250 êklai prăk mơ̆ng ngăn prăk alŭ wăl leh anăn dŭm ngăn prăk djŏ hdră bhiăn mkăn čiăng ruh mgaih anôk ala.