Hruê 5/8, bruă Đảng Quân đoàn 34 mkŏ mjing klei kƀĭn kluôm Phŭn bi ala gưl tal 1, wưng thŭn 2025 – 2030. Quân đoàn 34 dưi mkŏ mjing thŭn 2024, hluê si tur knơ̆ng bi mŭt Quân đoàn 3 leh anăn Quân đoàn4, ngă bruă klam mơ̆ng Lăn Dap Kngư truh kơ Krĭng Ngŏ Dhŭng.

Hlăm wưng êgao, bruă Đảng Quân đoàn 34 dưi bi pral bi ênŭm mnuih mă bruă, ƀrư̆ ƀrư̆ bi klă kơhưm bruă klam jing anôk bruă phŭn hlăm êpul lĭng kahan. Mŭt hlăm wưng păn bruă mrâo, Bruă Đảng Quân đoàn 34 bi klă kñăm ngă jăk 3 klei kdlưn hĭn: mđĭ hnơ̆ng tŭ jăk klei hriăm mjuăt, mtô hlăm bruă kđi čar, hyuă kjăp hdră bhiăn, mkŏ mjing êpul bruă thơ̆ng kơ bruă, tŭ dưn, mlih mrâo klei ngă hră mơar knŭk kna leh anăn bi mlih mrô, mbĭt anăn kñăm mđĭ hĭn ai dưi gĭt gai, ai kdơ̆ng mblah mơ̆ng êpul bruă Đảng nah gŭ leh anăn hnơ̆ng jăk êpul knuă druh, đảng viên. Blŭ hrăm hlăm klei kƀĭn kluôm, Thượng tướng Võ Minh Lương, k’iăng khua phŭn bruă lĭng kahan bi mni dŭm boh tŭ dưn mơ̆ng bruă Đảng Quân đoàn mrô 34 hlăm wưng păn bruă êgao dưi mâo leh. Ti anăp dŭm klei čuăn mrâo kơ răng mgang lăn čar leh anăn mkŏ mjing lĭng kahan mrâo mrang, k’iăng khua phŭn bruă mñă kơ Quân đoàn lŏ dơ̆ng mkŏ mjing anôk bruă kjăp ktang, čŏng pô ksiêm duah, đru kcĕ hŏng phŭn bruă lĭng kahan dŭm hdră êlan kdơ̆ng mblah găl guôp hŏng gru hmô bruă sang čư̆ êa alŭ wăl dua gưl.