Hruê mbruê 5/8, ti Hà Nội, Khua knŭk kna Phạm Minh Chính nao hgŭm hlăm klei kƀĭn phung bi ala Bruă Đảng Phŭn bruă mkŏ mkra gưl tal 1, wưng thŭn 2025 – 2030.. Hŏng hdră êlan “Bi mguôp – ngă phŭn mil pô- Hdră bhiăn – kdlưn hĭn – đĭ kyar”, bruă Đảng Phŭn bruă mkŏ mkra wưng thŭn 2025 – 2030 bi klă 6 bruă klam kñăm, 3 klei kdlưn hĭn hlăm klei mđĭ kyar bruă mkŏ mkra, wăl krah leh anăn sang dôk yang ƀuôn. Bi leh mta kñăm truh thŭn 2030 hlăm lăn čar mâo 5000km êlan dơ̆ng pral, ksiêm duah mkŏ hrăm mbĭt dŭm hdră êlan dŭ mdiăng, boh nik jing kdrŭn ksĭ hŏng dŭm êlan êdeh treng, êlan dơ̆ng pral.

Mtrŭt mđĭ bi leh mta kñăm 1 êklăk boh sang dôk yang ƀuôn truh thŭn 2030 hluê si hdră êlan mơ̆ng knŭk kna… Blŭ hrăm hlăm klei kƀĭn, Khua knŭk kna Phạm Minh Chính bi myuôm leh anăn bi mni dŭm klei gĭr leh anăn 9 êpul boh tŭ dưn yuôm bhăn mâo bruă Đảng phŭn bruă mkŏ mkra dưi mâo hlăm wưng păn bruă êngao. Hưn mdah dŭm klei hriăm, Khua knŭk kna mñă ktang klei hriăm kơ klei bi mguôp, hdră êlan mbruă hŏng boh sĭt leh anăn mđĭ hĭn bruă mbha gưl, mbha klei dưi, nao mbĭt hŏng bruă ksiêm dlăng, ktuê dlăng. Khua knŭk kna Phạm Minh Chính mñă ti anăp jing knhal jih thŭn 2025, srăng bi leh 3000 km êlan dơ̆ng pral, gĭr bi leh êlan ktuê hang ksĭ hluê si klei čuăl mkă. Khua knŭk kna Phạm Minh Chính ăt mñă brei dlăng yuôm klei ba jao kdrăp mrâo mrang, ai dưi kơ êlan êdeh treng leh anăn êlan treng pral. Mtrŭt mđĭ bi pral, mđĭ hnơ̆ng tŭ jăk mkŏ mjing ƀuôn prŏng, mđĭ kyar bruă mkŏ mkra ƀuôn prŏng hŏng êlan mrâo mrang, wăl krah mtah, thâo mĭn, djŏ guôp hŏng klei bi mlih yan adiê…