Tlam mbrue 23/7, hlăm klei nao čhưn Senegal, Khua bruă kƀĭn ala Trần Thanh Mẫn lehanăn khua bruă kƀĭn ala Senegal El Malick Ndiaye nao ti anôk trông čhai kơ hdră êlan mă bruă mbĭt dua nah. Khua bruă kƀĭn ala Trần Thanh Mẫn brei thâo, Việt Nam mâo lu klei găl čiăng dưi hgŭm hŏng Senegal msĕ si: Bruă lŏ hma, bruă dăng kông, bruă kdrăp mrô, bruă mă mnơ̆ng hlăm gŭ lăn, bruă rông hdang kan, bruă rŭ mdơ̆ng lehanăn rŭ mkra bruă nah gŭ. Khua bruă kƀĭn ala Trần Thanh Mẫn bi êdah klei đăo knang kơ dŭm phŭn dhar bruă, phung duh mkra dua ala čar Việt Nam lehanăn Senegal srăng hyuă kjăp hĭn klei bi mguôp, dưi pŏk mlar lehanăn tŭ jing.

Ñu čang hmăng kơ dua nah mâo klei thâo bi hgŭm pioh đru kơ phung duh mkra Việt Nam nao duh bi liê ti Senegal, lehanăn čang hmăng kơ bruă kƀĭn ala Senegal mjing djăp klei găl kơ bruă duh bi liê. Bruă kƀĭn ala Việt Nam ăt srăng đru phung duh mkra Senegal dưi duh bi liê ti Việt Nam hlăm dŭm mta bruă mâo klei găl./.