Ti knăm anei, Khua lăn čar Lương Cường mñă, Việt Nam bi myuôm kơ klei bi mjĕ jăk siam mơ̆ng đưm lehanăn klei bi hgŭm hlăm djăp mta ra bruă hŏng Êjip lehanăn čang hmăng ba klei bi mjĕ dua nah truh ti hnơ̆ng mrâo, hơĭt kjăp hĭn, klă sĭt lehanăn tŭ dưn hĭn.

Tĭng dlăng myuôm klei găl bi hgŭm hŏng Êjip lehanăn Afrĭk, Khua lăn čar Lương Cường mtă brei mđĭ hĭn hdră bi trông gưl dlông lehanăn dŭm gưl, čih mkra klei bhiăn bi hgŭm mrâo, mjing klei găl kơ hdră bi hgŭm hlăm djăp mta ra bruă. Khua lăn čar mtă kơ dua tĭng mđĭ hdră bi hgŭm, đru kčĕ lehanăn sa ai hŏng hdơ̆ng găp ti dŭm anôk bi kƀĭn trông hlăm krĭng lehanăn tar rŏng lăn, mđĭ hdră bi trông kơ klei thâo hlăm bruă rơ̆ng klei êđăp ênang, bi mgrăng kñăm đru mguôp kơ klei êđăp ênang lehanăn hơĭt kjăp mơ̆ng grăp krĭng lehanăn tar rŏng lăn./.