Hrue mbrue 6/8, Anôk bruă kiă kriê klei hâo hưn lehanăn đru čung ba mnuih ƀuôn sang gưl dlông, hgŭm leh hŏng anôk bruă Đảng bruă Mặt trận čar kwar, dŭm êpul êya gưl dlông, bruă Đảng phŭn bruă kreh knhâo, bruă Đảng phŭn bruă dhar kreh mjuăt asei mlei, lehanăn hiu čhưn ênguê lehanăn dŭm êpul êya djŏ tuôm, mkŏ mjing Klei bi kƀĭn bi mtuôm hŏng 80 čô phung bi ala kơ phung kreh knhâo thâo lu hlăm kluôm ala.

Blŭ hrăm ti anôk bi tuôm anăn, Khua gĭt gai Đảng Tô Lâm bi êdah klei hdơr knga truh hŏng phung kreh knhâo phung thâo lu hlăm kluôm ala dăl hlăm wưng êgao, mâo nanao klei mđrăm mbĭt hŏng Đảng, Knŭk kna lehanăn djuê ana, mâo klei thâo mđing hmư̆, lehanăn tŭ mă klei blŭ mơ̆ng phung bi ala nao hlăm klei bi tuôm anei. Khua gĭt gai Đảng čang hmăng hlăm wưng tinăp êpul phung kreh knhâo thâo lu lŏ dơ̆ng đru mguôp, duh myơr ai tiê klei mĭn pô hlăm lu bruă ksiêm duah, mâo dŭm mta bruă ngă yuôm bhăn ba wĭt klei tŭ dưn kơ lăn čar, ăt mđrăm mbĭt hŏng Đảng, lăn čar lehanăn mnuih ƀuôn sang kut kat rŭ mdơ̆ng lăn čar hlăm klei êđăp ênang, jăk yâo hlăm ênuk gưl mrâo./.