Brei klei blŭ hlăm bruă čih mkra Hdră bhiăn mkra mlih, thiăm mbŏ dŭm mta hlăm Hdră bhiăn Lý lịch tư pháp, Khua knŭk kna Phạm Minh Chính lač, klei čih mkra hdră bhiăn kčah mtrŭn jao kơ Phŭn bruă kahan ksiêm kriê dlăng bruă anei jing knhuang čiăng bi hrŏ, bi khuăt klei ngă hră mơar kơ mnuih ƀuôn sang, kơ anôk bruă duh mkra, dŭm anôk bruă; hluê ngă hdră bi khuăt, mă bruă tŭ dưn hĭn.

Khua knŭk kna jao kơ Phŭn bruă kahan ksiêm lŏ dơ̆ng ksiêm dlăng dŭm klei kčah mtrŭn mơ̆ng tar rŏng lăn, phung thơ̆ng kơ bruă, phung tŭ klei hmăi čiăng bi leh Hdră bhiăn, rơ̆ng klei dưi ba yua. Ti anôk bi kƀĭn, phung khua hlăm Knŭk kna brei leh klei blŭ hlăm Klei čih mkra Hdră bhiăn mtô bi hriăm gưl prŏng; Hdră bhiăn mtô bi hriăm hriăm bruă; Hdră bhiăn bruă klei mrâo lehanăn ba mdah hŏng Knŭk kna kơ Hdră čih mkra hdră bhiăn thŭn 2026./.