Lu phung bi ala mđing kơ hdră mtrŭn bruă công đoàn, tĭng tla lehanăn ba yua Ênua mdrao mgŭn, Ênua yang ƀuôn. Hŏng dŭm klei êmuh djŏ hŏng klei dưi mơ̆ng alŭ wăl, phung khua kiă kriê dŭm knơ̆ng, dhar bruă, Anôk bruă sang čư̆ êa čar Hậu Giang wĭt lač leh kơ mnuih ƀuôn sang.

Khua Anôk bruă kƀĭn ala Trần Thanh Mẫn mtă, hŏng dŭm klei dleh dlan mơ̆ng mnuih ƀuôn sang, phung khua alŭ wăl brei kma asăp mtă mơ̆ng Awa Hô snei “Ya bruă ba wĭt boh tŭ kơ mnuih ƀuôn sang brei drei ngă, ya bruă amâo jăk brei drei thâo dêč đuê̆”. Boh nik, dŭm klei mnuih ƀuôn sang ka ư ai brei drei msir mghaih. Khua anôk bruă kƀĭn ala mtă, leh klei bi tuôm anei, Êpul bi ala Anôk bruă kƀĭn ala čar Hâụ Giang, Anôk bruă mặt trận bi mklin klei blŭ čiăng hưn mthâo hŏng Adŭ bruă kƀĭn ala, Knŭk kna, dŭm Phŭn bruă čiăng msir mghaih, wĭt lač./.