Khua Anôk bruă kƀĭn ala Trần Thanh Mẫn mñă, hlăm hƀuê ênuk đĭ kyar mơ̆ng tlâo ala čar, klei bi hgŭm mguôp djuê ana, klei bi mjĕ riêng gah, knhuah gru lehanăn hdră bi hgŭm kluôm plah wah tlâo Đảng, knŭk kna, mnuih ƀuôn sang lehanăn phung mniê tlâo ala čar jing tur knơ̆ng yuôm bhăn rơ̆ng klei đĭ kyar ti grăp ala čar lehanăn krĭng wăl. Đảng, Knŭk kna lehanăn mnuih ƀuôn sang Việt Nam bi mni, krơ̆ng kjăp lehanăn mtrŭt mđĭ klei bi mjĕ hŏng Đảng, Knŭk kna, mnuih ƀuôn sang Lào lehanăn Campuchia.

Khua Anôk bruă kƀĭn ala mơak hlăk ƀuh klei bi mjĕ jăk siam mơ̆ng tlâo ala čar lehanăn Êpul bruă mniê ƀrư̆ hruê đĭ kyar. Êpul bruă mniê tlâo ala čar mâo leh lu bruă ngă kñăm mđĭ hĭn klei bi mjĕ lehanăn mđĭ kyar mơ̆ng phung mniê ti grăp ala čar, boh nik jing bruă bi mklă lehanăn hluê ngă Klei kuôl kă hgŭm bruă wưng thŭn 2022 - 2027 hŏng dŭm bruă ngă djŏ hŏng klei čang hmăng mơ̆ng phung mniê lehanăn Êpul bruă mniê tlâo ala čar./.