Ti knăm anei, Khua anôk bruă kƀĭn ala mñă, klei bi mjĕ plah wah Anôk bruă kƀĭn ala Việt Nam lehanăn Anôk bruă kƀĭn ala Ơrôp dôk đĭ kyar jăk siam. Dua tĭng dôk bi hgŭm kjăp, đru mtrŭt mđĭ klei bi hgŭm Việt Nam – EU, boh nik bi trông klei thâo hlăm bruă kƀĭn ala, bi leh klei bhiăn kñăm pŏk ngă tŭ dưn Klei kuôl kă bruă mnia mblei êngiê Việt Nam – EU, hŏng mta kñăm ba wĭt boh tŭ dưn klă sĭt kơ mnuih ƀuôn sang lehanăn anôk bruă duh mkra dua tĭng.

Khua Anôk bruă kƀĭn ala Trần Thanh Mẫn bi mni kơ Dhar bruă mnia mblei lu ala čar ba mdah klei bhiăn hgŭm bruă plah wah Anôk bruă kƀĭn ala Việt Nam lehanăn Anôk bruă kƀĭn ala Ơrôp. Dua tĭng krơ̆ng kjăp klei bi blŭ hrăm lehanăn bi trông nanao mơ̆ng dua anôk bruă kƀĭn ala kñăm mtrŭt mđĭ bruă hluê ngă tŭ dưn Klei kuôl kă bruă mnia mblei êngiê Việt Nam – EU, đru mtrŭt mđĭ kyar klei bi mjĕ Việt Nam - EU.