Khua Anôk bruă kƀĭn ala Trần Thanh Mẫn bi mni hdră mă bruă mơ̆ng Êpul gơ̆ng bruă ƀuôn sang čar Thanh Hóa wưng êgao mâo lu klei mlih mrâo, mđĭ hnơ̆ng tŭ jăk hlăm grăp hruê, ngă bruă tŭ dưn. Hlăm wưng ti anăp, Khua Anôk bruă kƀĭn ala mtă kơ čar lŏ dơ̆ng bi kjăp hdră kiă kriê, mđing kơ dŭm bruă phŭn, ruh mtlaih klei dleh dlan, gun kpăk, mđĭ lar klei găl mâo mơ̆ng čar mguôp hŏng ai ktang mơ̆ng jih jang mnuih ƀuôn sang hlăm čar.

Khua Anôk bruă kƀĭn ala mtă, Thanh Hóa brei pŏk ngă tŭ dưn dŭm hdră msir ba yua jih klei găl mâo kñăm mtrŭt mđĭ bruă duh mkra. Mta phŭn hluê ngă dŭm hdră msir mđĭ kyar bruă lŏ hma, dliê kmrơ̆ng, mnơ̆ng hlăm êa mguôp hŏng hdră mkŏ mkra krĭng ƀuôn sang mrâo, mđing mđĭ kyar bruă lŏ hma ba yua kdrăp mrâo, bi mlih klei mĭn mơ̆ng bruă ngă lŏ hma jing hdră duh mkra ngă lŏ hma./.