Ti knăm anei, dua tĭng bi êdah klei m’ak lehanăn ktưn hưn kơ dŭm boh tŭ dưi mâo leh giăm 75 thŭn dua ala čar mkŏ mjing klei bi mjĕ, hgŭm bruă Việt Nam - Bun-ga-ri đĭ kyar jăk siam hlăm djăp mta bruă, kđi čar – hŏng tač êngao, duh mkra – mnia mblei, duh bi liê, kreh knhâo – kdrăp mrâo, mtô bi hriăm, lĭng kahan, dhar kreh, mjuăt ktang asei mlei, hiu čhưn lehanăn bi hgŭm alŭ wăl.

Dua khua anôk bruă kƀĭn ala brei dua tĭng hnưm bi bi kƀĭn Dhar bruă mlir knŭk kna kơ hdră bi hgŭm bruă duh mkra, mnia mblei lehanăn kdrăp mrâo thŭn anei, pŏk klei găl bi hgŭm mrâo, mjing klei găl kơ wăl anôk mnia mblei mnơ̆ng dhơ̆ng hdơ̆ng găp hluê klei kuôl kă mnia mblei êngiê Việt Nam – EU EVFTA. Việt Nam pŏk ƀăng kơ anôk bruă duh mkra Bun-ga-ri duh bi liê, mnia mblei mnơ̆ng mâo klei găl. Tĭng Bun-ga-ri čiăng bi hgŭm mnia mblei hŏng Việt Nam hlăm dŭm bruă dôk mâo klei găl msĕ si kdrăp mrâo, mkra êa drao, kdrăp hâo hưn, kdrăp mrâo, hiu čhưn ênguê./.